Azərbaycanda tullanma üzrə “Bahar Kuboku” turniri keçiriləcək

Azərbaycanda tullanma üzrə “Bahar Kuboku” turniri keçiriləcək İdman.Biz-in Azərbaycan Atçılıq Federasiyasına istinadən verdiyi məlumata görə, yarış aprelin 14-15-də Novxanı kəndindəki Sərxədçi Atçılıq Mərkəzində keçiriləcək Turnirdə “Ömər”, “Sərxədçi”, “Murad” və “Elite” klublarını, eləcə də Atçılıq İdmanı və Müasir Pentatlon üzrə İxtisaslaşdırılmış Olimpiya Ehtiyatları Uşaq-Gənclər İdman Məktəbini təmsil edən 20-dən çox idmançı iştirak edəcək Yarış maneələrin hündürlüyündən asılı olaraq üç kateqoriya üzrə keçiriləcək: 90 sm (A kateqoriyası), 115 sm (kateqoriya L) və 125 sm (kateqoriya M) Turnirin sonunda hər kateqoriya üzrə ilk beş yeri tutan iştirakçılar mükafatlarla təltif olunacaqlar