Ukraynanın paytaxtı Kiyevdə kabus gecəsi: Çoxlu ölü və yaralı var - QHA - Krım Xəbər Agentliyi

Rusiya iyunun 14-dən 15-nə keçən gecə Ukraynanın paytaxtı Kiyevi raket və PUA-larla hədəfə alıb. Paytaxtın bir çox nöqtəsini hədəf alan genişmiqyaslı hücumda ilkin məlumatlara görə ikisi uşaq olmaqla 4 mülki vətəndaş həyatını itirib, iyirmi beş nəfər yaralanıb Ukrayna Fövqəladə Hallar Xidməti (DSNS) Rusiya ordusunun paytaxt Kiyevə qarşı həyata keçirdiyi genişmiqyaslı hava hücumunun ilk qurbanını açıqlayıb. Açıqlamaya görə, hücum paytaxtın 9 strateji rayonunu döyüş meydanına çevirib Hücumun koordinatları Rusiya ordusunun birbaşa mülki yaşayış məntəqələrini hədəfə aldığını göstərir. Obolon rayonunda bir çox avtomobil, yaşayış yeri və anbarlar alovlar altında qalarkən, doqquz mərtəbəli yaşayış binasına birbaşa ziyan dəyib. Solomyanski rayonunda da doqquzmərtəbəli bina eyni şəkildə vuruldu; Yanğınsöndürənlər yanğını söndürərkən son anda ikisi uşaq olmaqla on beş nəfəri alovdan təxliyyə ediblər. Desnyankskıy rayonunda baş verən 9 mərtəbəli yaşayış binasında yanğın baş verərkən, yerə düşən raket qalıqları 3 fərdi evi dağıdıb, açıq ərazilərdə və təhsil müəssisələrində yanğınlara başlayıb. Darnitski və Svyatoşinski rayonlarına düşən qəlpələr fərdi evlərə və mülki yaşayış məntəqələrinə böyük ziyan vurub. Dneprovski rayonunda yerə düşən qəlpə daha bir fərdi yaşayış evinə ziyan vurub MƏDƏNİ İRS HƏDƏF OLUNDU Paytaxtın mərkəzi nöqtələrindən biri olan Peçerski rayonunda 17 mərtəbəli yaşayış binasına ziyan dəyərkən, UNESCO-nun Ümumdünya İrs siyahısına daxil olan tarixi Kiyev Peçerska Lavra monastırında da eyni nöqtəni qısa fasilələrlə iki dəfə vurmağı hədəfləyən Rusiya ordusunun ikiqat zərbə taktikası ucbatından yanğınlar baş verib. Şevçenkivski rayonunda tərəvəz bazarı, ticarət obyektləri, mağazalar və səkkiz mərtəbəli yaşayış binası hədəf alınarkən, Holosiyivskidə eyni vaxtda çoxmərtəbəli yaşayış binaları, ticarət anbarları və mühüm infrastruktur obyektləri yanıb. Ukrayna Fövqəladə Hallar Xidməti məlumatların dərhal yeniləndiyini və dağıntılar altında olanları xilas etmək üçün paytaxtdakı bütün fövqəladə hallar qruplarının tam qüvvə ilə sahədə olduğunu bildirib