Tacikistan Daxili İşlər Nazirliyinin keçmiş zabiti Ukraynada dünyasını dəyişib

Tacikistan Daxili İşlər Nazirliyinin keçmiş əməkdaşı Mahmadjon Bozorov Ukraynada gedən müharibədə həlak olub. Bu barədə “Ozodi” radiosu öz mənbələrinə istinadən yazıb Məlumata görə, Bozorovun cənazəsi iyunun 15-də səhər saatlarında Xatlon rayonunun Voseobodi Kalon kəndində torpağa tapşırılıb.Onun tabutu bir gün əvvəl evə gətirilib Jurnalistlərin məlumatına görə, Mahmudjon Bozorov Rusiya ordusunun tərkibində Ukraynada gedən müharibədə iştirak edib. O, 2025-ci ilin əvvəlində yoxa çıxıb 2005-ci ilə qədər Tacikistan Daxili İşlər Nazirliyinin xüsusi təyinatlı polis bölməsində (OMON) xidmət edib 7 il əvvəl Bozorov 7 övladı ilə Rusiyaya köçüb, Rusiya vətəndaşlığını alıb və hərbi xidmətini davam etdirib “Ozodi”nin məlumatına görə, Rusiya tərəfində Ukraynadakı müharibədə iştirak edən yüzlərlə Tacikistan vətəndaşı haqqında məlumat var. Onların bir çoxu itkin düşüb, əsir düşüb və ya ölüb Tacikistan vətəndaşlarına xaricdə silahlı münaqişələrdə iştirak etmək qadağandır. Belə bir addımı atan şəxslər cinayət məsuliyyətinə cəlb olunacaqlar. Ancaq Ukraynada müharibədə iştirak edənlərə qarşı bir dənə də olsun cinayət işi açılmayıb