Fövqəladə Hallar Nazirliyi gərginlik altında işləyir - foto; video

Azərbaycan Fövqəladə Hallar Nazirliyi (FHN) Bakıda və Azərbaycanın bəzi rayonlarında leysan yağışlarının nəticələrinin aradan qaldırılması istiqamətində işləri davam etdirir Fövqəladə Hallar Nazirliyindən verilən məlumata görə, hazırda Bakının Nizami, Sabunçu, Suraxanı, Binəqədi və Səbail rayonlarında, həmçinin Sumqayıt, Abşeron, Xızı, Şabran və Xaçmaz rayonlarında zəruri təhlükəsizlik tədbirləri, o cümlədən suyun çəkilməsi işləri davam etdirilir. Yağıntının fəsadlarının aradan qaldırılması üzrə işlər ötən gecə və gündüz fasiləsiz aparılıb və hazırda gücləndirilmiş iş rejimində davam etdirilir Fövqəladə Hallar Nazirliyinin Mülki Müdafiə, Dövlət Yanğından Mühafizə Xidmətinin, Dövlət Xüsusi Riskli Xilasetmə Xidmətinin, Kiçik Qayıqlara Nəzarət və Sularda Xilasetmə Dövlət Xidmətinin, həmçinin Bakı və Sumqayıt regional mərkəzlərinin qüvvələri yağışların nəticələrinin aradan qaldırılmasına cəlb olunub