Tokayev türk dövlətləri arasında daha güclü iqtisadi və investisiya əməkdaşlığına çağırır

TÜRKİSTAN, Qazaxıstan, 15 may. Bu gün türk dövlətləri iqtisadiyyat və investisiya sahələrində əməkdaşlığı gücləndirməlidirlər O qeyd edib ki, qlobal iqtisadiyyat qeyri-sabit və gözlənilməz olaraq qalır "Beynəlxalq geosiyasi dinamika dəyişir, həm qlobal, həm də regional səviyyədə rəqabət güclənir. Silahlı münaqişələr və müharibələr səngimək bilmir. Bütün bunlar, gördüyümüz kimi, qlobal iqtisadiyyata mənfi təsir göstərir. Artıq regionumuzun ölkələri Yaxın Şərqdəki vəziyyətin nəticələrini hiss etməyə başlayıblar", - Qazaxıstan prezidenti bildirib Tokayev bəyan edib ki, belə çətin anlarda türk dövlətlərinin birliyi xüsusi əhəmiyyət kəsb edir "Ölkələrimizi çoxəsrlik tarix, mənəvi dəyərlər, qardaşlıq əlaqələri birləşdirir. Hesab edirəm ki, bu gün türk dövlətləri zamanın tələblərini nəzərə alaraq, iqtisadiyyat və investisiya sahələrində əməkdaşlığı gücləndirməli, ortaq maraqlar naminə güclərini birləşdirməlidirlər Bu baxımdan, bugünkü görüşün süni intellekt və rəqəmsal inkişaf məsələlərinə həsr olunması xüsusilə vacibdir”, - Tokayev əlavə edib