Polşada beş aylıq gürcü uşağın ölümü: NƏ BİLİNİR?

Polşanın Poznan şəhərində gürcü ailəsindən olan 5 aylıq uşağın ölümü araşdırılır; iş xüsusilə ağır cinayət kimi tövsif edilib “Rezonans” Polşa hüquq-mühafizə orqanlarına istinadən xəbər verir ki, insident əvvəlcə bədbəxt hadisə kimi qiymətləndirilib Lakin məhkəmə-tibbi ekspertizanın nəticələri körpənin ölümünün amansız zorakılığın nəticəsi olduğunu göstərib İstintaqın məlumatına görə, uşağın anası oğlunu atası və Moldovadan olan iki tanışı ilə qoyub müvəqqəti olaraq Polşadan kənara gedib. Qayıdandan sonra uşağı ağır vəziyyətdə tapıb və xəstəxanaya çatdırıb, lakin körpəni xilas etmək mümkün olmayıb - o, aprelin 8-də dünyasını dəyişib Müayinə zamanı çoxsaylı xəsarətlər, o cümlədən kəllə sınıqları və beyin zədələri, habelə köhnə xəsarətlərin izləri aşkar edilib ki, bu da müstəntiqlərin fikrincə, sistematik istismarı göstərir Üç nəfər - uşağın anası və mənzildə olan Moldovadan olan iki kişi saxlanılıb. Onlar uşağın həyatına təhlükə törətməkdə və yardım göstərməməkdə ittiham olunublar Əsas şübhəli uşağın atası hesab olunur, müstəntiqlərin fikrincə, o qaçıb və axtarışa verilib. Polşa polisi sərhəd nəzarətini gücləndirib Prokurorluq şübhəlinin həbsindən sonra işin qəsdən adam öldürmə kimi tövsif oluna biləcəyini istisna etmir