Bakı yolunda göz yaşı və qan: sürücü məktəblini vuraraq öldürdü - FOTO / VİDEO

Bakının Yasamal rayonu, Abbas Mirzə Şərifzadə küçəsində dəhşətli qəza baş verib Kalibre.Az xəbər verir ki, Murad Müslüm oğlu Abbaszadə idarə etdiyi “Hyundai Elantra” markalı (10-NN-093 nömrəli) avtomobillə yolu keçərkən zebra keçidində yolu keçən 2010-cu il təvəllüdlü Emil Kamil oğlu Əliyevi vurub Nəticədə 16 yaşlı yeniyetmə başı ilə ön şüşəyə dəyib, maşından irəli uçub, asfalta yıxılıb və hadisə yerində ölüb Yoldan keçəndən sonra maşını saxlayaraq hönkür-hönkür ağlayan sürücü polis əməkdaşları tərəfindən saxlanılıb. Uşağın yaxınlıqda olan dayısı da ümidsizlikdən göz yaşlarını saxlaya bilməyib Faktla bağlı Azərbaycan Respublikası Cinayət Məcəlləsinin 263.2-ci (“Avtomobili, tramvay və ya digər mexaniki nəqliyyat vasitəsini idarə edən şəxs tərəfindən ehtiyatsızlıqdan zərərçəkmiş şəxsin ölümünə səbəb olduqda yol hərəkəti və ya nəqliyyat vasitələrinin istismarı qaydalarını pozma”) maddəsi ilə cinayət işi başlanıb Faktla bağlı müvafiq ekspertizalar təyin edilib, araşdırma aparılır