Pentaqondan etiraf: "Təcavüzün dəyəri 25 milyard dollardır"

ABŞ Müdafiə Nazirliyi (Pentaqon) İrana qarşı davam edən müharibənin maliyyə portretini ilk dəfə ictimaiyyətlə paylaşıb. Pentaqonun xəzinədarı vəzifəsini icra edən Jül Hurst Nümayəndələr Palatasının Silahlı Qüvvələr Komitəsinə təqdim etdiyi hesabatda Vaşinqtonun regiondakı təcavüzünün Amerika xəzinəsinə nə qədər baha başa gəldiyi açıqlanıb Təqdim olunan məlumatlara görə, iki aydan çox müddətdə xərclənən 25 milyard dolların əsas maddələri intensiv sursatın istifadəsi və əməliyyat xərcləri olub. Müdafiə ekspertləri regiondakı Amerika hərbi bazalarına və avadanlıqlarına ictimaiyyətə açıqlandığından qat-qat ciddi zədələndiyini və bu gizli məhvin milyardlarla dollarlıq əlavə təmir xərcləri ilə nəticələnəcəyini proqnozlaşdırırlar. Müharibənin yalnız ilk altı günündə 11,3 milyard dollar xərcləyən Pentaqonun Konqresdən təcili əlavə büdcə tələb etməsi gözlənilir Vaşinqtonun Hörmüz boğazında qurmağa çalışdığı qeyri-qanuni blokada qlobal yanacağın qiymətlərini tətikləyərək mülki iqtisadiyyatı iflic etdi. Donald Tramp artan enerji xərclərinin amerikalı istehlakçılara dağıdıcı təsirini azaltmaq üçün enerji sənayesi nümayəndələri ilə görüşsə də, regionda gərginlik hələ də həll olunmur ABŞ qanunlarına görə, 60 günlük müddətdən sonra hər hansı hərbi güc tətbiqi Konqresin təsdiqini tələb edir. Bu vəziyyət Tramp administrasiyasının bölgədəki işğalçı varlığını hüquqi və siyasi dalana sürükləyir. Danışıqlardakı çıxılmaz vəziyyət və artan xərclər Vaşinqtonun Qərbi Asiyada hökmranlıq axtarışına həm iqtisadi, həm də hüquqi müstəvidə ağır təsir göstərir