Yunan administrasiyası suriyalıları geri göndərmək üçün yeni plan həyata keçirib

Alithia-nın verdiyi məlumata görə, “Ailələrin Suriyaya Könüllü Qaytarılması üçün Yardım Planı 2026” adlı təşviq planı Kipr Rum İnformasiya İdarəsinin “Theofilos Yeorgiadis” amfiteatrında Rum Kipr İmmiqrasiya və Beynəlxalq Müdafiə müşaviri Nikolas Yoannidis tərəfindən açıqlanıb Suriyalı ailələrin ölkələrinə qayıtmaları üçün maddi stimulların verilməsini və yetkin bir ailə üzvünə 2 il müddətində Cənubi Kiprdə qalmaq və işləmək imkanı verilməsini nəzərdə tutan plan 9 iyun - 30 oktyabr 2026-cı il tarixləri arasında həyata keçiriləcək. Plan, həmçinin 2 dekabr tarixindən 31 dekabr tarixinə qədər beynəlxalq qoruma üçün müraciət etmiş və ya beynəlxalq qoruma statusu almış uşaqsız cütlükləri əhatə edəcək Plan çərçivəsində ailənin yetkin bir üzvü iki illik xüsusi yaşayış icazəsi ilə 31 avqust 2028-ci il tarixinə qədər işləmək üçün Cənubi Kiprdə qala biləcək, ailənin qalan hissəsi isə maddi təşviqlər alaraq Suriyaya qayıda biləcək. Suriyalı cütlüyün həyat yoldaşına və ya qayıdan həyat yoldaşına 2 min avro, hər uşağa isə 1500 avro veriləcək. Daha min avro isə artıq beynəlxalq qoruma statusu almış və sığınacaq üçün müraciətləri yalnız baxılan ailələrə veriləcək Xəbərə görə, yeni planı təqdim edən müşaviri Nikolas Yoannidis, 2024-cü ilin dekabrında Suriyada administrasiya dəyişikliyi ilə 5 minə yaxın suriyalının sığınacaq müraciətlərini geri götürdüyünü və ya qoruma statusunu tərk edərək ölkələrinə qayıtdığını bildirib Suriyalıların sığınacaq tələblərinin yeni məlumatlar işığında yenidən qiymətləndirilməsi təlimatı verildiyinə diqqət çəkən Yoannidis, bu günə qədər suriyalıların 1500-dən çox sığınacaq müraciətinin rədd edildiyini, Beynəlxalq Qoruma İnzibati Məhkəməsinin isə Sığınacaq Departamentinin verdiyi ilk qərarları ləğv etdiyini və qərarları təsdiqlədiyini açıqladı. Suriyalılara daha əvvəl verilən sığınacaq statuslarının da eyni səbəblə geri alınmağa başladığını və sığınacaq tələblərinin rədd edildiyini bildirən Yoannidis, “Sığınacaq tələbləri rədd edilən və ya qaçqın statusu geri alınanlar Kiprdən zorla tərk etmək məcburiyyətindədirlər” dedi. ifadəsini işlətdi Yoannidis bu gün Cənubi Kiprdə prosedurları yarımçıq qalan sığınacaq müraciətlərinin ümumi sayının 14 mindən az olduğunu, Suriyalıların gözlənilən müraciətlərinin sayının 10 mindən az olduğunu, yeni planla suriyalılara veriləcək təşviq pullarının mənbəyinin isə Avropa proqramları olduğunu bildirib