Rubio: ABŞ Koreya yarımadasında böhran və ya müharibə yaratmağa çalışmır

ABŞ Koreya yarımadasında hər hansı böhran və ya müharibənin yaranmasında maraqlı deyil ABŞ dövlət katibi Marko Rubio bu barədə Konqresin Nümayəndələr Palatasının Xarici Əlaqələr Komitəsində keçirilən dinləmələr zamanı bildirib “Biz orada böhran yaratmağa çalışmırıq. Müharibə və ya başqa problemli vəziyyət yaratmaq niyyətimiz yoxdur”, – deyə Rubio vurğulayıb Dövlət katibinin sözlərinə görə, Vaşinqtonun Şimali Koreya ilə bağlı hərbi strategiyasında, eləcə də Cənubi Koreyada yerləşdirilən qüvvələrin sayında və dislokasiyasında hər hansı dəyişiklik nəzərdə tutulmur “Xeyr, bizim oradakı doktrinamız dəyişməz olaraq qalır”, – deyə Rubio qeyd edib O əlavə edib ki, ABŞ və Cənubi Koreya arasında hərbi sahədə əməkdaşlıq yüksək səviyyədə davam edir “Ordularımız arasında çox güclü münasibətlər mövcuddur”, – deyə ABŞ diplomatiyasının rəhbəri bildirib