“Reuters”: ABŞ ilə İran arasında dondurulmuş vəsaitlər üstündə mübahisə gedir

İran ilə ABŞ arasında hərbi əməliyyatlara son qoymaq üçün müvəqqəti razılığa gəlmək səyləri intensivləşib AZƏRTAC xəbər verir ki, İrandan olan üç mənbə və bir Avropa rəsmisinin “Reuters” agentliyinə bildirdiyinə görə, hər iki tərəfin həyata keçirdiyi hücumlara baxmayaraq, anlaşma memorandumunun təfərrüatları ilə bağlı danışıqlar yenidən davam edir Müharibə edən tərəflər dondurulmuş İran vəsaitlərinin necə azad ediləcəyini müzakirə edirlər İran 6 milyard ilə 12 milyard dollar arasında qiymətləndirilən dondurulmuş vəsaitlərin Tehrana qaytarılmasını istəyir, Vaşinqton isə həmin vəsaitləri humanitar məqsədlər üçün mərhələli şəkildə ayırmaq təklifini irəli sürür və İrana hər hansı bir qaytarılmanı qəti şəkildə rədd edir. Bu barədə “Reuters” agentliyinə iranlı mənbə məlumat verib Avropalı yüksəkvəzifəli bir məmur bildirib ki, danışıqlar hazırda yalnız texniki detallara və maliyyə məbləğinə, yəni, İranla bağlı mövcud olan likvidlik səviyyəsinə yönəlib İran mənbələrindən biri isə bildirib ki, iki tərəf arasında hərbi əməliyyatlar dalana dirənib və heç bir tərəf mövcud vəziyyətdən çıxa bilməyib “Hərbi baxımdan bu müharibə dalana dirənib. Amerikalılar İrana hücum etməklə məqsədlərinə çata bilməyiblər. Danışıqlarda irəliləyiş var. Son hərbi toqquşmalar elan ediləcək bir razılaşmaya hazırlıq ola bilər. Əlbəttə ki, hər şey, hətta tammiqyaslı müharibəyə qayıtmaq belə mümkündür”, -deyə o əlavə edib Analitiklər Donald Trampın 2015-ci ildəki danışıqlardan daha yaxşı bir razılaşma istədiyini bildirirlər Mayın 24-də Tramp özünün “Truth Social” hesabında İranla bağladığı hər hansı bir razılaşmanın “yaxşı və düzgün bir razılaşma olacağını, Obamanın danışıqlar apardığı və İrana külli miqdarda pul və nüvə silahlarına birbaşa yol verən razılaşma kimi olmadığını” yazıb Mənbələrə görə, İran müxtəlif səbəblərdən, xüsusən də iqtisadi təzyiq, habelə əhalisinin müharibə və qeyri-müəyyənlikdən tükənməsi səbəbindən “nə müharibə, nə də sülh” vəziyyətinə son qoymağa çalışır 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır