Amritsar hadisələri haqqında BDU-nun prorektoru

1984-cü ildə Amritsarda baş verən faciəli hadisələr, üstündən 42 il keçməsinə baxmayaraq, təkcə bir xalqın tarixinin bir hissəsi deyil, həm də beynəlxalq hüquq, insan hüquqları, etnik və dini azlıqların müdafiəsi kontekstində qlobal müzakirə mövzusudur Day.Az Trend-ə istinadən xəbər verir ki, bunu Bakı Dövlət Universitetinin (BDU) beynəlxalq əlaqələr üzrə prorektoru Şahin Pənahov BDU-da keçirilən "1984-cü ilin iyunu, Amritsar hadisələri: soyqırım kontekstində Hindistanın etnik azlıqlara qarşı transmilli repressiyaları" mövzusunda beynəlxalq konfransda çıxışı zamanı deyib "Bu hadisələr bizə ədalət və tanınma tələbinin milli sərhədləri aşdığını və bütün bəşəriyyətin vicdanına müraciət etdiyini xatırladır" dedi Prorektorun sözlərinə görə, BDU hesab edir ki, ali təhsil müəssisələrinin missiyası təkcə bilik və bacarıqların ötürülməsi ilə məhdudlaşmır: “Bu missiya həm də sülhün möhkəmləndirilməsinə, mədəni kimliyin qorunmasına və insan hüquqlarının qorunmasına töhfələri əhatə edir” Ş. Pənahov əlavə edib ki, bu konfransın universitetin akt zalında tələbələrin iştirakı ilə keçirilməsi yeni nəsil üçün yaxın tarixdən mühüm dərs olacaq “Bu gün buraya toplaşan alimlər, diaspor nümayəndələri, yerli və beynəlxalq qeyri-hökumət təşkilatlarının fəalları, o cümlədən ictimai xadimlər təkcə keçmişin ağrılarını deyil, həm də gələcəyə olan ümidləri bölüşəcək müzakirələr aparacaqlar.Əminik ki, bu dialoq beynəlxalq təşkilatların və parlamentlərin diqqətini daha da cəlb edəcək, kiçik hüquqların müdafiəsi sahəsində yeni təşəbbüslərə yol açacaq. bu konfrans sadəcə akademik fikir mübadiləsi deyil, həm də ədalət və sülh naminə kollektiv iradənin nümayişi olacaq”, - deyə o qeyd edib Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin