İran Futbol Federasiyasının prezidenti komandanın dünya çempionatında iştirakını təsdiqləyib

İran Futbol Federasiyasının prezidenti Mehdi Tac ölkə millisinin 2026-cı il dünya çempionatında iştirak edəcəyini təsdiqləyib. Onun sözlərini RMC Sport nəşri sitat gətirir "Biz turnirdə iştirak edəcəyik, lakin inancımızdan, mədəniyyətimizdən və prinsiplərimizdən əl çəkməyəcəyik. Heç bir xarici qüvvə İranı layiqincə vəsiqə qazandığı yarışlarda iştirakdan məhrum edə bilməyəcək" Eyni zamanda, İran vizaların verilməsi və şəxsi heyətə, İran bayrağına və dövlət himninə hörmət kimi bir sıra şərtlər irəli sürüb. Tehran həmçinin hava limanlarında, otellərdə və komandanın oynayacağı stadionlara gedən marşrutlarda yüksək səviyyədə təhlükəsizlik tələb edir Dünya çempionatı iyunun 11-dən iyulun 19-dək ABŞ, Kanada və Meksikada keçiriləcək.İran Özbəkistanla 2:2 hesablı heç-heçə ilə 2026-cı il dünya çempionatına vəsiqə qazanıb və millinin Belçika, Misir və Yeni Zelandiya ilə qarşılaşacağı G qrupunda yer alıb. Hər üç komanda oyunu ABŞ-da baş tutmalıdır