Tacikistanın Azərbaycanla əlaqələr üzrə səfiri - FOTO

Azərbaycan və Tacikistan arasında qarşılıqlı hörmətə və ümumi mədəni dəyərlərə əsaslanan dostluq münasibətləri mövcuddur "Report"un məlumatına görə, bunu Tacikistanın Azərbaycandakı səfiri İlxom Abdurahmon Bakıda Novruz bayramına həsr olunmuş "Əsrlər boyu ənənələrin irsi" adlı Çakan moda nümayişində deyib Onun sözlərinə görə, beynəlxalq Novruz bayramı xalqların zəngin mənəvi-mədəni irsi olmaqla tacikləri, azərbaycanlıları və digər qonşu ölkələrin xalqlarını birləşdirir "Qədim Novruz bayramı Azərbaycanda ölkənin milli adət-ənənələrinin və zəngin mədəni irsinin mühüm tərkib hissəsi kimi geniş şəkildə qeyd olunur. Ona görə də bugünkü tədbirin Azərbaycanda keçirilməsi bizim üçün xüsusilə rəmzi olub, regionumuzun xalqlarını qədimdən birləşdirən ortaq tarixi-mədəni ənənələri əks etdirib" Tədbir Tacikistanın Azərbaycandakı səfirliyinin təşəbbüsü ilə baş tutub Tədbir çərçivəsində tacik dizaynerləri Xurshed Sattorov, Weiss Asoev və Sukhiya Qulomova Tacikistanın zəngin mədəni irsini və bədii ənənələrini əks etdirən “Çakan”, “Nuri Badaxşon” və “Navoi Xuroson” kolleksiyalarını təqdim ediblər Qonaqlara həmçinin ənənəvi tacik mədəniyyətinin və mətbəxinin elementləri - bayram süfrəsi, o cümlədən yeddi növ xörək və Novruz şənliyinin tərkib hissəsi olan “həft sin” və “həft şin” şirniyyatları təqdim olunub Mədəni proqram çərçivəsində Tacikistan və Azərbaycan sənətçiləri, o cümlədən Jaxongir Zaripov, Xurshed İbrahimzoda, Azərbaycanın xalq artisti Gülyanaq Məmmədova çıxış ediblər. Vüsalə Babayevanın rəhbərliyi ilə Bakı Xoreoqrafiya Akademiyasının və Xanım Kərimzadənin rəhbərliyi ilə Xəzər Universitetinin rəqs qrupları da təqdim olunub Tədbirdə diplomatik korpusun, beynəlxalq təşkilatların, dövlət qurumlarının nümayəndələri, deputatlar, mədəniyyət xadimləri, o cümlədən Azərbaycanda təhsil alan tacikistanlı tələbələr iştirak ediblər