Polatlıda tapılan sümüklər 15 yaşlı "meyitsiz qətl" faylını yenidən gündəmə gətirib

Ankaranın Polatlı rayonunda yol tikintisi işləri zamanı sümük parçaları tapılıb. Bu tapıntılar 2011-ci il aprelin 5-dən bəri xəbər alınmayan 38 yaşlı iki uşaq atası Bünyamin Koçakın işini 15 ildən sonra yenidən gündəmə gətirib Bünyamin Koçak yoxa çıxandan sonra həyat yoldaşı Sultan Koçak tərəfindən itkin düşmüş şəxslə bağlı rəsmi müraciət edilsə də, axtarışlar heç bir nəticə verməyib. Ailə itkin düşəndən 52 gün sonra televiziya proqramına qatılaraq kömək istəyərkən bu iş Türkiyədə gündəmə gəlib və “cəsədsiz qətl” kimi müzakirə olunmağa başlayıb Hadisənin istintaqı zamanı; 2013-cü ildə evdə qan izləri, telefon danışıqları və ziddiyyətli ifadələri əsas gətirərək Sultan K. və Özcan E.-yə qarşı iddia qaldırılıb. Ağırlaşdırılmış ömürlük həbs tələbi ilə Ankara 10-cu Ağır Cəza Məhkəməsində mühakimə olunan iki müttəhim, ölümün dəqiq səbəbini göstərən heç bir cəsəd və konkret dəlil olmadığı üçün "müttəhim şübhədən faydalanır" prinsipi ilə bəraət alıb. Bu qərar Ali Məhkəmə prosesindən sonra yekunlaşaraq təsdiq edilib Yol işləri zamanı təsadüfən tapılan sümük parçalarının kimə məxsus olduğu ətraflı müayinələrdən sonra aydınlaşacaq. Nəticədən asılı olaraq 15 ildir cavabsız qalan sual işarələrinin həll olunub-olunmayacağı, bağlanan Bünyamin Koçak faylının yenidən açılıb-açılmayacağı bəlli olacaq