Mourinyonun "Benfika"sına böyük zərbə

Portuqaliya Premyer Liqasının 33-cü həftəsində öz meydanında qəbul etdiyi "Braqa" ilə 2:2 hesablı heç-heçə edən "Benfika" Çempionlar Liqasına gedən yolda ağır zərbə alıb “Benfika” 46-cı dəqiqədə Rafa Silvanın qolu ilə önə keçdiyi halda, qonaq komanda “Braqa” 48-ci dəqiqədə Pau Viktorun, 88-ci dəqiqədə isə Qorbinin vurduğu qollarla arxadan gələrək önə keçib. Matçın uzatma vaxtında penaltini qazanan Benfika Vangelis Pavlidisin 90+5-də vurduğu qolla hesabı 2-2 edib Bu nəticə ilə "Benfika" xalını 77-yə yüksəldib, ikinci yeri "Sportinq"ə uduzub. Liqada məğlub olmayan Mourinyonun yetirmələri oynanılacaq son matçlardan sonra liqanı 3-cü yerdə bitirsələr, Çempionlar Liqasında birbaşa iştirak şansını əldən verəcəklər. Digər tərəfdən qonaq komanda Braqa xalını 58-ə yüksəldib və liqanı dördüncü pillədə bitirməyi təmin edib Liqanın son həftə matçlarında "Benfika" səfərdə "Eştoril"in qonağı olacaq. "Braqa" doğma meydanda "Estrela"nı qəbul edəcək. "Benfika"nın rəqibi "Sportinq" doğma meydanda Gil Visenteni qəbul edəcək