Azərbaycan Xarici İşlər Nazirliyi fransalı nazirin bəyanatına cavab verib

Biz Fransanın Avropa və Xarici İşlər naziri Jan-Noel Barronun mayın 6-da Fransa Senatında Azərbaycana qarşı səsləndirdiyi bəyanatları qətiyyətlə rədd edirik. Bunu Azərbaycan Xarici İşlər Nazirliyinin mətbuat katibi Ayxan Hacızadə deyib Onun sözlərinə görə, fransalı nazirin Azərbaycanın suveren ərazisi olan Qarabağ bölgəsinə münasibətdə “Dağlıq Qarabağ” ifadəsini işlətməsi qəbuledilməzdir “Azərbaycanın öz suveren ərazilərində apardığı ədalətli müharibədən sonra beynəlxalq hüququn norma və prinsiplərinə uyğun olaraq regionda davamlı sülh üçün şərait yaradıldığı bir vaxtda biz Fransa tərəfinin Azərbaycanın öz əraziləri üzərində suverenliyini, habelə onun mədəni və dini irsinin təhlükəsizliyini şübhə altına alan bu cür təxribat xarakterli bəyanatlarını qətiyyətlə pisləyirik Fransalı nazir Ermənistanın işğalı zamanı Azərbaycan ərazilərində yüzlərlə məscidin və digər mədəni irs nümunələrinin dağıdılması faktına məhəl qoymayaraq, işğal dövründən qalan bəzi tikililərin sökülməsi məsələsini şərh edir və Beynəlxalq Ədalət Məhkəməsində baxılan prosesə yersiz istinad edir. Bu, ikili yanaşmanın bariz nümunəsidir”, - XİN nümayəndəsi bildirib Hacızadə vurğulayıb ki, Azərbaycanın suveren ərazilərində yerləşən tarixi və dini abidələr mənşəyindən, dünyəvi və dini mənsubiyyətindən asılı olmayaraq ölkənin milli mədəni irsinin tərkib hissəsidir və qorunur "Fransanın Azərbaycanın Qarabağ bölgəsinə YUNESKO-nun qiymətləndirmə missiyasının göndərilməsi ilə bağlı çağırışları reallığın aşkar təhrifidir. Məhz Azərbaycan dəfələrlə belə qiymətləndirmə missiyalarının həyata keçirilməsinə çağırış edib, lakin təəssüf ki, Ermənistan və Fransa kimi ölkələrin məlum maneələri nəticəsində onların həyata keçirilməsi qeyri-mümkün olub. Bu faktı YUNESKO-nun öz hesabatında təsdiqləyib520 Fransalı nazirin bu cür bəyanatları regionda davamlı və həqiqi sülhün qurulmasına xidmət etmir”, o əlavə edib