“Kredit ittifaqları tamamilə sıradan çıxmır" - Rəy

“Bank sektorunda rəqabət artdıqca, nisbətən daha yüksək faizlə kredit təklif edən qurumların rəqabətdə sıradan çıxması istisna deyil” Bunu iqtisadçı millət vəkili Vüqar Bayramov 525.az-a bildirib. Millət vəkilinin sözlərinə görə, hazırda Mərkəzi Bankın qeyd etdiyi kimi, fəaliyyət göstərən banklarla bağlı hər hansı bir təhdidin olmadığı bildirilir. Amma nəzərə alsaq ki, kredit ittifaqları və daha çox kreditləşmə ilə məşğul olan bu qurumlarda biz mütəmadi olaraq bəzilərinin sıradan çıxmasını və yenilərinin yaranmasını müşahidə edirik: “Amma son rəqəmlər kredit ittifaqlarının tamamilə sıradan çıxması anlamına gəlmir. Burada təbii ki, Mərkəzi Bank da həmin ittifaqların sağlamlaşdırılması ilə bağlı siyasətini daha da genişləndirməlidir ki, bank sektorunda fərqli iştirakçılar olsun və bu da imkan versin ki, kredit ittifaqları növbəti mərhələdə də fəaliyyətlərini davam etdirə bilsinlər”