Elxan Səmədovun komandası yenidən kuboka sahib çıxıb - foto, video

Futzal üzrə Azərbaycan çempionatının I Liqasında mövsümə yekun vurulub Çempion titulunu Peşəkar Futbol Liqasının komandası qazanıb. Həmin PFL komandası ötən il sensasiyalı şəkildə Azərbaycan kubokunu finalda “Araz-Naxçıvan”a qalib gələrək qazanmışdı. Bu il PFL komandası göstərdi ki, ötənilki uğur heç də təsadüfi deyil PFL-in əsas mərhələsinin lideri yarımfinalda “Xan-Lənkəran”a qalib gəlib – 2:1. Finalda isə Peşəkar Futbol Liqasının prezidenti Elxan Səmədovun rəhbərlik etdiyi komanda “Star Karqo”ya qalib gəlib – 4:2 Xatırladaq ki, ötən il PFL komandası finalda “Baku Fire-2” klubuna uduzaraq çempionluğun bir addımlığında dayanmışdı Baş məşqçi Elxan Səmədov kuboku qazandıqdan sonra bunları deyib: "Çempion olmaq inanılmaz hissdir. Keçən il finalda uduzduq və son anda qızılı əldən verdik. Keçən mövsüm Azərbaycan kubokunu qazanmağımıza baxmayaraq, ölkə çempionu olmaq arzuları yarımçıq qaldı Komandamızda həm gənclər, həm də uzun illərini futzala həsr etmiş təcrübəli futbolçular var. Əsl komanda oyunu nümunəsi göstərdiyinə, zəhmətkeşliyinə və qələbəyə susadığına görə bütün komandamıza təşəkkür edirəm. Bu yarışı təşkil etdiyinə görə Azərbaycan Futzal Federasiyasına təşəkkür edirik”