Qazaxıstan, Firebird və NVIDIA AI əməkdaşlıq paketi imzalayır

BAKI, Azərbaycan, 15 iyun. Qazaxıstan hökuməti ilə Firebird və NVIDIA texnologiya şirkətləri arasında süni intellekt sahəsində 10 milyard dollarlıq sazişlər imzalanıb Qazaxıstan hökumətinin verdiyi məlumata görə, sazişlər Baş nazir Oljas Bektenov, NVIDIA-nın vitse-prezidenti Rev Lebaredian və Firebird-in həmtəsisçiləri, baş icraçı direktor Razmik Hovakimyan və Aleksandr Yesayan arasında danışıqlar zamanı imzalanıb Xüsusilə, Qazaxıstanın Süni İntellekt və Rəqəmsal İnkişaf Nazirliyi ilə “Firebird” şirkəti arasında süni intellekt ekosisteminin inkişafı və Alem.ai bazasında “Firebird Labs Kazakhstan” şirkətinin yaradılması üçün çərçivəni müəyyən edən strateji əməkdaşlıq sazişi imzalanıb Qazaxıstanın Pavlodar şəhərində Data Center Valley layihəsi çərçivəsində birgə işin texniki və təşkilati parametrlərini müəyyən edən KT-Telecom LLP və Firebird Binding Term Sheet arasında əsas əməkdaşlıq şərtləri haqqında əlavə saziş imzalanıb "Əldə edilmiş razılaşmalar süni intellekt, bulud texnologiyaları və yeni nəsil rəqəmsal xidmətlərin tətbiqi üçün müasir texnoloji infrastrukturun yaradılmasını nəzərdə tutan Data Center Valley layihəsinin gələcək həyata keçirilməsi üçün zəmin yaradır. İmzalanmış sazişlər Qazaxıstanda süni intellekt infrastrukturunun inkişafı üçün perspektivli platforma kimi qlobal texnologiya şirkətlərinin artan marağını əks etdirir və ölkənin mərkəzi rəqəmsal qovşağı kimi mövqeyini gücləndirir" Baş nazir, süni intellekt və rəqəmsal inkişaf naziri Jaslan Madiyevin sözlərinə görə, Data Center Valley layihəsi ən azı 10 milyard dollar cəlb etməyi nəzərdə tutur. Bu vəsait ümumi gücü ən azı 300 MVt olan süni intellekt məlumat mərkəzlərinin tikintisinə sərf olunacaq. Bu obyektlərin fəaliyyət göstərməsinin ixrac gəlirlərini əhəmiyyətli dərəcədə artıracağı gözlənilir