Yüksək səviyyəli İsrail xadimindən məğlubiyyət etirafı

ABŞ və İran arasında həssas atəşkəs davam edərkən, bir İsrail rəsmisi İranın zənginləşdirilmiş uran ehtiyatları ilə bağlı açıqlama verib. İsrail Müdafiə Qüvvələrinin (IDF) adı açıqlanmayan yüksək vəzifəli rəsmisi yerli mətbuata bildirib ki, İranın təxminən 400 kiloqram zənginləşdirilmiş uran ehtiyatı ölkədən çıxarılmasa, müharibə "böyük uğursuzluq" sayıla bilər Rəsmi bildirib ki, ABŞ və İran arasında aparılan danışıqlarda ölkədən uran ehtiyatlarının çıxarılması və Tehran administrasiyasının zənginləşdirmə fəaliyyətinə son qoyulması ilə bağlı razılıq əldə olunmasa, onların 40 günlük münaqişədəki səyləri “boşa çıxacaq” İsrail rəsmisi, "Nüvə məsələsində hədəflərimizə çata bilməsək, İranda etdiyimiz hər şey böyük uğursuzluq sayılacaq. Zərərli İran rejimi yenidən nüvə proqramına diqqət yetirə bilər" deyib İrandakı uranın diplomatik kanallarla ölkə hüdudlarından çıxarılacağı təqdirdə “onların üzərinə düşən vəzifəni yerinə yetirmiş olacaqlarını” əsaslandıran rəsmi, bunun baş vermədiyi təqdirdə İrana qarşı yeni hücumlara keçməli ola biləcəklərini bildirib Digər tərəfdən, İsrail Baş Qərargah rəisi Eyal Zamir, İsrail ordusunun işğalı altında olan Livana səfəri zamanı, "İran və Livandakı hazırkı hərbi fəaliyyətlərlə bağlı siyasi hakimiyyətin bizim qarşımıza qoyduğu hər bir hədəfə çatıldı və hətta aşıldı" dedi