İsrail parlamenti “Arrow 3” raketlərinin kifayət qədər olmaması səbəbindən təcili iclas keçirmək qərarına gəlib

İrana qarşı intensiv hava zərbələri endirdikdən sonra Tehran administrasiyasının cavab tədbirləri ilə üzləşən İsraildə hava hücumundan müdafiə sistemlərinin inventarına dair narahatlıqlar artır Ölkə mətbuatında yer alan xəbərə görə, İsrail Parlamenti Knesset hava hücumundan müdafiədə istifadə edilən “Arrow 3” tipli raketlərin sayının kifayət qədər olmaması səbəbindən təcili iclas keçirməyə qərar verib. İddiaya görə, Knesset Xarici Əlaqələr və Müdafiə Komitəsinin sədri Boaz Bismut, komitə üzvlərinin üçdə birindən çoxunun "müdafiə sistemlərinin uğursuzluğu və daxili cəbhədən imtina" mövzularının müzakirə edilməsini tələb edən məktubu imzaladıqdan sonra iclas üçün qərar qəbul edib Məktubda Tel-Əviv rəhbərliyinin hava hücumundan müdafiə sistemləri üçün büdcə xərclərini artırmamaq qərarı ilə bağlı ötən həftə İsrail mətbuatında yer alan iddialara toxunulub. Komitə üzvlərinin imzaladığı məktubda İsrailin "İranın iki böyük ballistik raket hücumuna baxmayaraq, aylar ərzində Arrow 3 raketlərinin istehsal xəttini genişləndirməkdən çəkindiyi" ilə bağlı narahatlıq ifadə olunub Komitə üzvləri İsrailin müdafiə naziri İsrael Katz və maliyyə naziri Bezalel Smotriçin raket çatışmazlığı ilə bağlı sualları cavablandırmaq üçün komitəyə çağırılmasını xahiş edirlər. Lakin görüşün nə vaxt keçiriləcəyi hələlik bəlli deyil ABŞ-İsrail birgə istehsalı olan Arrow 3 raketləri İsrailin ən qabaqcıl uzaq mənzilli müdafiə sistemi hesab olunur. Məlumdur ki, sözügedən raketlər İrandan atılan ballistik raketləri və oxşar döyüş sursatlarını onun atmosferindən kənarda olarkən məhv etmək üçün nəzərdə tutulub