İran uran anbarlarının yollarını MİNALADI

İran zənginləşdirilmiş uran anbarlarının girişlərini minalayıb və bu da nüvə ehtiyatlarına çıxışı çətinləşdirib Modern.az Musavat.com-a istinadən xəbər verir ki, CNN mənbələrinin iddialarına görə, son həftələrdə Tehran yüksək dərəcədə zənginləşdirilmiş uran saxlanan obyektlərdə təhlükəsizliyi gücləndirib: bəzi tunellər bağlanıb və girişlərdə mina tələləri quraşdırılıb Anbarlarda təxminən yarım ton silah səviyyəsinə yaxınzənginləşdirilmiş uran ola bilər. Ehtiyatların əksəriyyəti, ehtimal ki, İsfahan nüvə kompleksinin yaxınlığındadır Bildirilir ki, bu cür tədbirlər, bu materialların ötürülməsi və ya məhv edilməsi ilə bağlı ABŞ və İran arasında potensial razılaşmanı ciddi şəkildə çətinləşdirə bilər. Ehtiyatlara çıxış üçün mina təmizləmə, ağır texnika və nüvə təhlükəsizliyi mütəxəssisləri tələb olunacaq Qeyd olunur ki, Trampın İranın nüvə ehtiyatı üzərində mümkün nəzarət barədə açıqlamalarından sonra İran anbarları möhkəmləndirməyə başlayıb. Daha əvvəl Tramp sabah İranla müqavilə imzalayacağını açıqlamışdı. Lakin İran Xarici İşlər Nazirliyinin sözçüsü İsmayıl Bəqai danışıqların hələ də davam etdiyini bildirib, baxmayaraq ki, tərəflər İranın nüvə proqramı ilə bağlı razılaşmaya yaxınlaşıblar