Hind okeanında dünyanın ən dərin və ən böyük balina qəbiristanlığı aşkar edilib

Bişkek, 15.06.26/Xəbər. Hind okeanının cənub-şərq hissəsində alimlər dünyanın ən dərin, ən qədim və ən böyük balina qəbiristanlığını aşkar ediblər. “The Guardian” yazır ki, araşdırmalar göstərib ki, buradakı bəzi balina qalıqlarının 5 milyon ildən çox yaşı var Qeyd edilib ki, kəşf Avstraliya və Antarktida qitələrinin ayrılması zamanı yaranan Diamantina rift zonasında edilib. Alimlər 7002 metr dərinliyə enmək üçün sualtı cihazdan istifadə edərək, çürümə mərhələsində cəmi 485 balina qalıqları və beş müasir balinanın sümüklərini aşkar ediblər Alimlərin fikrincə, balinaların qalıqları 1200 kilometr uzanaraq okeanın dibində əvvəllər məlum olmayan unikal ekosistem əmələ gətirib. Bu ərazidə xərçəngkimilər, mollyuskalar, sümüklə qidalanan qurdlar və bir çox başqa canlı orqanizmlər yaşayır. Onların bəziləri elmə yeni gələn canlılar ola bilər Tədqiqatın müəlliflərindən biri, Piza Universitetinin alimi Covanni Bianucci qeyd edib ki, bu kəşf okeanın ən ekstremal şəraitində belə həyatın inkişaf edə biləcəyini və yeni ekosistemlərin formalaşa biləcəyini sübut edir Mütəxəssislərin fikrincə, bu kəşf balinaların təkamülünü, onların miqrasiya yollarını və dənizin dərinliklərindəki həyat formalarını öyrənmək üçün böyük imkanlar açır