İlham və Mehriban Əliyevlər Şükürbəyli kəndində fərdi yaşayış evlərində yaradılan şəraitlə tanış olublar

Mayın 9-da Azərbaycan Respublikasının Prezidenti İlham Əliyev və birinci xanım Mehriban Əliyeva Şükürbəyli kəndində tikilən fərdi yaşayış evlərində yaradılan şəraitlə tanış olublar AZƏRTAC xəbər verir ki, dövlətimizin başçısına və birinci xanıma kənddə görülən işlər barədə məlumat verilib Bildirilib ki, kəndə Cəbrayıl rayonunun Şıxalağalı, Dəzel və Mahmudlu kəndlərinin sakinləri də daxil olmaqla, ümumilikdə 2522 nəfərin (615 ailə) köçürülməsi nəzərdə tutulub. İlkin mərhələdə 635 fərdi yaşayış binası istifadəyə verilib ki, onlardan 615-i sakinlər, 20-si isə xidməti istifadə üçün nəzərdə tutulub. Evlər - iki, üç, dörd və beş otaqlı Kənddə sakinlərin rahat yaşayışının təmin edilməsi, sosial məsələlərin həlli istiqamətində bir sıra işlər görülüb. Burada hər biri 80 yerlik iki körpələr evi və uşaq bağçası, tibb məntəqəsi, musiqi məktəbi, klub-icma mərkəzi, yerli icra strukturları üçün inzibati bina tikilmişdir Şükürbəyli kəndində gücü 35/10 kV olan elektrik yarımstansiyası tikilmiş, elektrik təchizatı, qaz təchizatı, içməli su, rabitə, o cümlədən internet və İPTV şəbəkələri yaradılmış, yollara asfalt döşənmişdir