İlham Əliyev Şükürbəyli kəndində məktəb binasının açılışında iştirak edib

Mayın 9-da Azərbaycan Respublikasının Prezidenti İlham Əliyev və birinci xanım Mehriban Əliyeva Cəbrayıl rayonunun Şükürbəyli kəndinin açılışında iştirak ediblər AZƏRTAC xəbər verir ki, dövlətimizin başçısı əvvəlcə kənddə inşa edilmiş 360 şagird yerlik məktəb binasının açılışını etmişdir Azərbaycan Respublikası Prezidentinin Cəbrayıl, Qubadlı və Zəngilan rayonları üzrə xüsusi nümayəndəsi Vahid Hacıyev və Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev dövlətimizin başçısına və birinci xanıma Şükürbəyli kəndində görülən işlər barədə məlumat verdilər Məlumat verilib ki, Şükürbəyli kəndi Cəbrayıl rayonunun eyniadlı inzibati ərazi dairəsində, rayon mərkəzindən 18 kilometr cənub-şərqdə, düzənlik ərazidə yerləşir Kənd 1993-cü ildə Ermənistan silahlı qüvvələri tərəfindən işğal olunub. İşğaldan əvvəl burada məktəb, klub, kitabxana, xəstəxana olub; əhali əsasən üzümçülük, heyvandarlıq, taxılçılıq və ipəkçiliklə məşğul olurdu. Kənd 2020-ci ildə Vətən Müharibəsi zamanı rəşadətli Azərbaycan ordusu tərəfindən işğaldan azad edilib. 2023-cü ildə Prezident İlham Əliyev kəndin təməlini qoyub Sonra elm və təhsil naziri Emin Əmrullayev dövlətimizin başçısına və birinci xanıma məktəbdə yaradılan şərait barədə məlumat verdi Məlumat verilib ki, işğaldan azad edilmiş ərazilərdə istifadəyə verilən digər yeni məktəblər kimi bu təhsil ocağında da müəllim və şagirdlər üçün hər cür şərait yaradılıb. Məktəbdə zəruri fənn kabinetləri ilə yanaşı, fiziki, kimya və bioloji laboratoriyalar, informatika, texnologiya və ibtidai hərbi hazırlıq kabinetləri var. Bundan əlavə, kitabxana, akt və idman zalları, yeməkxana müəllim və tələbələrin ixtiyarındadır. Ərazidə futbol və basketbol meydançaları da var Qeyd edək ki, işğaldan azad edilmiş ərazilərdə aparılan genişmiqyaslı quruculuq işlərinin mühüm tərkib hissəsi müasir təhsil müəssisələrinin tikintisidir. Ən yüksək standartlara cavab verən təhsil müəssisələri yeni texnologiyalarla, zəruri maddi-texniki baza ilə təchiz olunub