Heydər Əliyev Fondunun vitse-prezidenti Leyla Əliyeva Şəkidəki uşaq evinin sakinləri ilə görüşüb (FOTO)

BAKI, Azərbaycan, 1 iyul. Heydər Əliyev Fondunun vitse-prezidenti Leyla Əliyeva iyunun 30-da Şəkidəki 6 nömrəli Uşaq Evi Sosial Xidməti Müəssisəsində olub Leyla Əliyeva müəssisədə yaşayan uşaqların ifasında bədii proqrama baxıb. Uşaqlara hədiyyələr də təqdim olunub, onlarla xatirə şəkilləri çəkilib 1936-cı ildə 2 saylı uşaq evi kimi fəaliyyətə başlayan müəssisə 1988-ci ildən Şəki Qarışıq Tipli Uşaq Evi adı ilə fəaliyyətini davam etdirir. 2018-ci ildə Heydər Əliyev Fondunun dəstəyi, Azərbaycan Respublikasının Birinci vitse-prezidenti Mehriban xanım Əliyevanın təşəbbüsü və rəhbərliyi ilə müəssisə üçün yeni tikilmiş bina istifadəyə verilmişdir Müəssisə valideyn himayəsindən məhrum olan uşaqlara qayğı göstərir Uşaqların sosial inteqrasiyasını asanlaşdırmaq üçün sosial reabilitasiya tədbirləri həyata keçirilir, onların asudə vaxtlarının səmərəli təşkili üçün müxtəlif xidmətlər göstərilir. Uşaqlara sosial, məişət, psixoloji, tibbi, təhsil və hüquqi dəstək xidmətləri göstərilir