Hakan Safi böyük oynayır! O, “Fənər”ə kubok canavarı məşqçi gətirəcək

Fənərbaxçada menecer gündəmi qarşıdan gələn prezident seçkiləri öncəsi aktivləşərkən, prezidentliyə namizəd Hakan Safinin komandanı ələ keçirmək istədiyi ad gündəmə gəlib. Transfer əlaqələrini İtaliyada davam etdirən Safinin prioritetinin dünyaca məşhur məşqçi Antonio Konte olduğu iddia edilib Transfer çalışmaları çərçivəsində İtaliyada olan Hakan Safinin Rafael Leao, Mike Maignan və Dusan Vlahovic kimi ulduz adlarla əlaqə saxladığı iddia edilib. Digər tərəfdən, məşqçi ilə bağlı mühüm addımların atıldığı bildirilib. “Sözcü”nin məlumatına görə, Safinin məşqçilər siyahısında birinci yerdə Antonio Konte yer alıb Bildirilib ki, hazırda “Napoli”ni çalışdıran Antonio Konte İtaliya komandası ilə müqaviləsinin son ilinə qədəm qoyub. Karyerası boyu ciddi uğurlar qazanan təcrübəli çalışdırıcının Avropa futbolunun ən uğurlu adlarından biri olduğu bildirilir Karyerasında Konte "Çelsi" ilə Premyer Liqa çempionluğu, "Yuventus"la 3 A Seriya çempionluğu və "İnter" və "Napoli" ilə hərəyə bir Seriya çempionluğu qazanıb. Bari ilə B Seriya çempionluğunu da qazanan italyan çalışdırıcının 7 liqa kuboku var 56 yaşlı Antonio Kontenin məşqçilik karyerasına 1 İngiltərə kuboku və 2 İtaliya Superkuboku qələbəsi də daxildir. İntizamı və sərt futbol yanaşması ilə tanınan Kontenin Fənərbaxça ehtimalı sarı-göylü camaatda böyük həyəcan yaradıb İddialara görə, Hakan Safi Antonio Konte ilə anlaşa bilməsə, yerli məşqçi variantına üz tutacaq. Belə olan halda ilk namizədin İsmayıl Kartal olacağı bildirilir