Bakı elektrik qatarının yeni stansiyası açılışa hazırlanır - FOTO/VİDEO

Bakı Dairəvi Dəmir Yolunun paytaxtın Binəqədi rayonu ərazisində, “Dərnəgül” metrostansiyasının yanında yerləşən yeni stansiyası açılışa hazırlanır “Azərbaycan Dəmir Yolları” QSC-nin mətbuat xidmətindən Caliber.Az-a verilən məlumata görə, Azərbaycan Baş Prokurorluğunun yeni binası ilə üzbəüz yerləşən iki stansiya platforması artıq hazırdır Stansiyanın inzibati-təsərrüfat binası və dəmiryol relsləri üzərindən qaldırılmış piyada keçidi də hazırdır; avadanlığın quraşdırılması və ərazinin abadlaşdırılması üzrə son işlər aparılır Yaxın vaxtlarda Bakı-Balacəri-Xırdalan-Sumqayıt-Bakı marşrutu üzrə qatarların dayanacağı stansiyanın açılışı planlaşdırılır Bu, dəmir yolu nəqliyyatının metro və avtobuslarla inteqrasiyasını təmin edəcək. Qatar sərnişinləri metroya, avtobus və metro sərnişinləri isə qatara minə biləcəklər