Rusiya Müdafiə Nazirliyinin rəhbəri ölkələrin Mərkəzi Asiyada hərbi mövcudluğunu qəbuledilməz adlandırıb

Rusiyanın müdafiə naziri Andrey Belousov regiondankənar güclərin Mərkəzi Asiyada hərbi mövcudluğunu təmin etmək və orada logistika problemlərini həll etmək istəyini qəbuledilməz adlandırıb. O, bu barədə aprelin 28-də Bişkekdə ŞƏT-ə üzv ölkələrin hərbi idarələri rəhbərlərinin görüşündə bildirib "Biz regiondankənar dövlətlərin Mərkəzi Asiyada hərbi mövcudluğu təmin etmək və logistika problemlərini həll etmək cəhdlərini diqqətlə izləyirik. Biz bunu qəbuledilməz hesab edirik", - o deyib Rusiya Müdafiə Nazirliyinin rəhbərinin bəyanatı Özbəkistan prezidenti Şavkat Mirziyoyevin respublikanın müdafiə naziri Bahodir Xolmuxəmmədovun Türkiyə ilə hərbi əməkdaşlığın inkişafı ilə bağlı məruzəsini dinləməsindən bir neçə gün sonra verilib. Bu görüşdə Türkiyə Silahlı Qüvvələrinin yüksək rütbəli nümayəndəsi də iştirak edib Özbəkistan prezidentinin mətbuat xidmətinin görüşün yekunlarına dair verdiyi məlumata görə, əsas diqqət iki ölkənin müdafiə idarələri arasında regional təhlükəsizlik və sabitliyin təmin edilməsi zərurəti ilə diktə olunan qarşılıqlı fəaliyyətin intensivləşdirilməsinə yönəldilib "Hərbi-texniki əməkdaşlığın dinamikası, o cümlədən idarələrarası əlaqələrin genişləndirilməsi, birgə tədbirlərin təşkili və hərbi mütəxəssislərin hazırlanması xüsusi qeyd edilib. Hərbi sahədə tərəfdaşlığın daha da dərinləşdirilməsinə sadiqlik təsdiqlənib", - Özbəkistan prezidentinin mətbuat xidməti bildirib Azattyk Asia © 2026 RFE/RL, Inc. | Bütün hüquqlar qorunur