İtaliyanın Özbəkistandakı keçmiş səfiri ruslara vizaların verilməsində korrupsiyada şübhəli bilinərək həbs edilib

İtaliyanın Özbəkistandakı keçmiş səfiri Pierqabriele Papadia de Bottini Romada həbs edilib Podrobno.uz xəbər verir ki, diplomat Rusiya vətəndaşlarına minlərlə avroya qeyri-qanuni Şengen vizalarının verilməsi üçün irimiqyaslı korrupsiya sxemində iştirakda şübhəli bilinir İstintaqın məlumatına görə, Papadia köməkçisi Tatyana Tarakanova ilə birlikdə İtaliyanın Daşkənddəki səfirliyi vasitəsilə uzunmüddətli vizaların alınması üçün kanal təşkil edib. Söhbət ən azı 95 vizadan gedir, lakin ümumi epizodların sayı 400-ə çata bilər Müstəntiqlər iddia edirlər ki, viza hətta Şengen zonasına daxil olmaq üçün tələblərə cavab verməyən şəxslərə də verilib və bəzi müraciət edənlər konsulluğa ümumiyyətlə baş çəkməyiblər. “Xidmətlərin” qiyməti onlarla avroluq rəsmi ödənişlə 4 ilə 16 min avro arasında dəyişirdi Prokurorluğun məlumatına görə, bu sxemə müştərilərin siyahılarını köçürən Moskvadan olan turizm agentlikləri cəlb olunub. Maliyyə əməliyyatları da yoxlanılır: 2025-ci ildə Tatyana Tarakanovanın Bolqarıstan hesabına 23,6 min avronun köçürüldüyü müəyyən edilib Hazırda prokurorlar maliyyə polisi ilə birlikdə 400-ə yaxın viza işini araşdırır və Papadanın təxminən 3 milyon avro dəyərində olan əmlakını yoxlayır. Diplomatın özü vəsaitin ona miras qaldığını iddia edir