Diyarbəkir və Mersində narkotik əməliyyatı: 216 kiloqram narkotik ələ keçirildi

Jandarma Baş Komandanlığının Narkotik Cinayətlərə Qarşı Mübarizə İdarəsi və Respublika Baş Prokurorluğunun koordinasiyasında başlanan hüquqi prosesə uyğun olaraq qeyd olunan ünvanlarda eyni vaxtda reydlər keçirilib. Diyarbəkir və Mersin vilayətlərində aparılan axtarış və yaxalanma tədbirlərində məqsəd narkotik vasitələrin qanunsuz dövriyyəsinin qarşısını almaq olub. Ətraflı axtarışlar zamanı ümumilikdə 216 kiloqram narkotik vasitə aşkar edilib Ərazidə keçirilən əməliyyat tədbirlərində 79 ictimai asayiş qrupu və 6 komando qrupu iştirak edib. Reydlərdə ümumilikdə 467 jandarma əməkdaşı iştirak edib, gizlədilmiş maddələrin aşkar edilməsində xüsusi təlim keçmiş 7 narkotik axtarış itindən fəal istifadə olunub. Təhlükəsizlik qüvvələri əvvəlcədən müəyyən edilmiş məntəqələrə daxil olaraq cinayət elementlərini ələ keçirib İstintaq çərçivəsində narkotik ticarəti ilə əlaqəsi olduğu təsbit edilən 90 şübhəli yaxalanıb. Ədliyyə orqanlarına sövq edilən şəxslərdən 87-si həbs olundu. Nəzarətdəki digər 3 şübhəlinin polis və ədliyyə bölmələrində qanuni əməliyyatları davam etdirilir