DİM-də hazırlıq kursları təşkil olunub

İyunun 8-də Dövlət İmtahan Mərkəzində (DİM) Azərbaycan dili və informatika fənləri üzrə hazırlıq kursları təşkil olunub DİM-dən AZƏRTAC-a bildirilib ki, hazırlıq kurslarında yalnız elektron qeydiyyatdan keçmiş, ixtisası müvafiq fənnə uyğun olan müəllimlər, metodistlər, eləcə də pedaqojiprofilli ali təhsil müəssisələrinin bakalavriat səviyyəsində həmin fənlər üzrə təhsil alan sonuncu kurs tələbələri və magistrantlar iştirak ediblər Qeyd edək ki, kurslar həm əyani, həm də onlayn formatda həyata keçirilib. Naxçıvan, Gəncə, Şirvan, Lənkəran, Şəki, Göyçay, Bərdə, Şəmkir və Xaçmazdan qeydiyyatdan keçmiş iştirakçılar məşğələlərə onlayn qoşulublar Hazırlıq kursları çərçivəsində moderatorlar - Azərbaycan dili fənni üzrə Saməddin İbrahimov, informatika fənni üzrə Fikrət İbiyev tərəfindən iştirakçıların ev tapşırıqları müzakirə olunub. Müzakirələr zamanı tapşırıqlarla bağlı təkliflər səsləndirilib, fikir mübadiləsi aparılıb, eləcə də iştirakçıların sualları cavablandırılıb 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır