16 yaşlı oğlanların məlumatları avtomatik olaraq hərbi xidmətə götürüləcək (video)

Özbəkistanda 16 yaşı tamam olan və şəxsiyyət vəsiqəsi alan oğlanlar haqqında məlumatların Daxili İşlər Nazirliyinin informasiya sistemindən alınması və avtomatik olaraq hərbi uçota alınması proseduru tətbiq ediləcək. Bunu Axborot 24 proqramında müdafiə naziri Şuxrat Xolmuhammedov deyib İyunun 8-də prezident Şavkat Mirziyoyev müdafiə sektoru ilə bağlı bir sıra məsələlərə dair təqdimata baxıb. Təqdimatda müdafiə işləri orqanlarının işində “sıfır bürokratiya” prinsipinin tətbiqi məqsədilə hərbi qeydiyyat, həkim komissiyaları və çağırış komissiyalarının elektronlaşdırılması ilə bağlı təkliflər səsləndirilib Təklifə əsasən, 16 yaşı tamam olan və şəxsiyyət vəsiqəsi almış oğlanlar haqqında məlumatlar Daxili İşlər Nazirliyinin informasiya sistemindən alınacaq və onların avtomatik hərbi uçota alınması proseduru tətbiq ediləcək Eyni zamanda, müdafiə işləri idarələrində həkim komissiyasından keçmək qaydası da ləğv ediləcək. Bütün tibbi müayinə prosedurlarının rayon və şəhər mərkəzi çoxsahəli poliklinikalarında həyata keçirilməsi planlaşdırılır Müdafiə nazirinin sözlərinə görə, bu təkliflərin həyata keçirilməsi vətəndaşları şəffaf rəqəmsal xidmətlərlə təmin edəcək, həddindən artıq bürokratiya və narahatçılığa son qoyacaq Prezident bütün təklifləri bəyəndi və bu sahədə işlərin sürətləndirilməsi üçün bir sıra tapşırıqlar verdi Bundan əvvəl Özbəkistanda Hava Hücumundan Müdafiə Qoşunları və Hərbi Hava Qüvvələri Komandanlığının bazasında Hərbi Hava Qüvvələrinin Döyüş Komandanlığının yaradılacağı bildirilirdi