Brent markalı neftin barel qiyməti 100 dollardan aşağı düşüb

Beynəlxalq fyuçers bazarlarında Brent markalı neftin bir barelinin qiyməti 99,62 dollara satılır Ötən gün 114,44 dollara kimi bahalaşan Brent markalı neftin bir barel qiyməti günü 109,87 dollarla başa vurub Brent markalı neftin forvard barel qiyməti bu gün 13,46-da bağlanış vaxtı ilə müqayisədə 9,3 faiz azalaraq 99,62 dollar olub. Eyni zamanda, West Texas Intermediate (WTI) markalı xam neft 10,5 faiz azalaraq barreli 91,54 dollara satılıb Qiymətlərin enməsinə ABŞ-ın İranla müharibəni dayandırmaq və daha ətraflı nüvə danışıqları üçün Tehran administrasiyası ilə bir səhifəlik anlaşma memorandumu imzalamağa yaxın olduğu xəbər axını təsir etdi Axios platformasının xəbərinə görə, mövzu ilə bağlı məlumatlı mənbələrə və adının açıqlanmasını istəməyən bəzi ABŞ rəsmilərinə əsaslanaraq, ABŞ anlaşma memorandumunun imzalanması üçün İrandan 48 saat ərzində cavab gözləyir Müvafiq olaraq, iki ABŞ rəsmisi iddia edib ki, Vaşinqton administrasiyası İranla müharibəyə son qoymaq və daha ətraflı nüvə danışıqları üçün çərçivə yaratmaq məqsədilə Tehran administrasiyası ilə bir səhifəlik anlaşma memorandumu imzalamağa yaxındır. Onlar bildiriblər ki, hələlik heç nə razılaşdırılmayıb, lakin bu, müharibə başlayandan bəri tərəflərin razılığa gəldiyi ən yaxın anıdır Xəbərdə, hazırkı formada anlaşma memorandumunun regionda müharibənin dayandırılması və Hörmüz boğazının açılması, İranın nüvə proqramının məhdudlaşdırılması və ABŞ sanksiyalarının ləğvi üçün təfərrüatlı razılaşmaya dair 30 günlük danışıqlar müddətinin başlamasını nəzərdə tutduğu bildirilib İki mənbə bu danışıqların Pakistanın paytaxtı İslamabad və ya İsveçrənin Cenevrə şəhərində keçirilə biləcəyini bildirib ABŞ rəsmisi iddia edib ki, 30 günlük danışıqlar müddətində İranın gəmilərin Hörmüz boğazından keçməsinə qoyduğu məhdudiyyətlər və ABŞ-ın dəniz blokadası tədricən aradan qaldırılacaq Bildirilir ki, texniki olaraq 111,18 dollar müqavimət, 98,86 dollar isə Brent nefti üçün dəstək zonası kimi izlənilə bilər