Bakıda yeni tərəfdaşlıq çərçivəsi üzrə Azərbaycan-Avropa İttifaqı danışıqları keçirilir (FOTO)

BAKI, Azərbaycan, 3 iyun. İyunun 2-3-də Bakıda Azərbaycan Respublikası və Avropa İttifaqının nümayəndə heyətləri arasında yeni hərtərəfli saziş layihəsi və 2026-2030-cu illər üçün tərəfdaşlıq prioritetlərini əks etdirən sənəd üzrə danışıqlar keçirilib Azərbaycan nümayəndə heyətinə xarici işlər nazirinin müavini Yalçın Rəfiyev, Avropa İttifaqı tərəfindən isə Avropa Xarici Fəaliyyət Xidmətinin icraçı direktorunun müavini Audrone Perkauskiene rəhbərlik ediblər Konstruktiv müzakirələr nəticəsində Aİ və Azərbaycan arasında 2026-2030-cu illər üçün tərəfdaşlıq prioritetlərini əks etdirən sənəd layihəsi üzrə ilkin razılıq əldə olunub Yeni hərtərəfli saziş üzrə danışıqlar çərçivəsində Azərbaycanın müvafiq dövlət orqanlarının nümayəndələri Aİ həmkarları ilə saziş layihəsinin müxtəlif bölmələri üzrə məhsuldar müzakirələr aparıb, bir sıra sahələrdə irəliləyiş əldə ediblər və danışıqların növbəti mərhələləri üçün planları müəyyən ediblər Görüşdən sonra tərəflər yeni ikitərəfli saziş layihəsi üzrə həm onlayn, həm də təkbətək görüşlər vasitəsilə intensiv danışıqları davam etdirmək barədə razılığa gəliblər Azərbaycan nümayəndə heyətinin tərkibinə Xarici İşlər Nazirliyi ilə yanaşı, Prezident Administrasiyası, İqtisadiyyat, Ədliyyə, Energetika, Rəqəmsal İnkişaf və Nəqliyyat, Maliyyə, Əmək və Əhalinin Sosial Müdafiəsi, Elm və Təhsil nazirliklərinin, həmçinin Mərkəzi Bankın, Dövlət Gömrük Komitəsinin, SOCAR-ın, Antiinhisar və İstehlakçıların Nəzarəti, Əqli Hüquqların Müdafiəsi və Kütləvi İnformasiya Vasitələrinin İnkişafı Agentliyinin nümayəndələri daxil olub