Nazir Şimşək açıqladı! Türkiyədə kripto bankomatlara qadağa qoyulub

Xəzinə və maliyyə naziri Mehmet Şimşək kripto aktivlərin maliyyə sistemində yeni risk sahələri yaratdığını ifadə edən diqqətçəkən açıqlamalar verib. Şimşək sosial media hesabından paylaşım edərək, maliyyə innovasiyalarının imkanlarla yanaşı, ciddi təhlükələr də ehtiva etdiyini bildirib Kripto aktiv əməliyyatlarının saniyələr ərzində həyata keçirilə biləcəyinə diqqət çəkən Şimşək, bu sistemlərin sərhədlər arasında sürətli pul köçürmələrinə imkan verdiyini və bəzi vasitələrin istifadəçi şəxsiyyətlərini gizlədə biləcəyini söylədi Şimşək, Maliyyə Fəaliyyət İş Qrupunun (FATF) məlumatına görə, sabit sikkələrin cinayət təşkilatları tərəfindən getdikcə daha çox üstünlük təşkil etdiyini və bu varlıqların asanlıqla əldə edilə bildiyi və dəyərini qoruduğu üçün sui-istifadəyə açıq hala gəldiyini ifadə etdi FATF standartlarının bütün ölkələrdə eyni şəkildə tətbiq edilməsi lazım olduğunu vurğulayan Şimşək, "Əks halda cinayətkarlar hər zaman ən zəif halqasını tapacaqlar" dedi Türkiyənin çirkli pulların yuyulması ilə mübarizədə ilk addımlar atdığını bildirən Şimşək, kriptovalyuta xidməti təminatçılarının 2021-ci ildə məsuliyyət dairəsinə daxil edildiyini xatırladıb Türkiyədə yüksək risk səbəbiylə kripto bankomatların tamamilə qadağan edildiyini açıqlayan Şimşək, bəzi tətbiqlərdə FATF tövsiyələrinin aşıldığını bildirib Şimşək stabil kriptovalyuta köçürmələrinə gündəlik 3 min dollar, aylıq isə 50 min dollar limit qoyulduğunu açıqlayıb. Səyahət qaydalarının tələblərinə cavab verməyən əməliyyatlar üçün məcburi gözləmə müddətlərinin tətbiqinə başlanıldığını da açıqlayıb Beynəlxalq əməkdaşlığın əhəmiyyətinə diqqət çəkən Şimşək, şübhəli pul kisələri ilə bağlı məlumatların paylaşılmasının həftələr deyil, saatlar içində edilməsi lazım olduğunu bildirib