“Azərbaycanın haqlı narahatlıqlarının həllini tapacağına ümid edirik” - Hakan Fidan

“Biz Azərbaycan və Ermənistan arasında sülh prosesini dəstəkləyirik. Hər iki tərəfin nümayiş etdirdiyi iradə bölgəmiz üçün konkret fürsət pəncərəsi açdı” 525.az xəbər verir ki, bunu Türkiyənin xarici işlər naziri Hakan Fidan İstanbulda Türkiyə-Azərbaycan-Gürcüstan XİN rəhbərlərinin üçtərəfli görüşündən sonra mətbuat konfransında deyib O bildirib ki, Azərbaycanın haqlı narahatlıqlarının həllini tapacağına və sülh müqaviləsinin gecikmədən imzalanacağına ümid edir “Ermənistanla apardığımız normallaşma prosesi Azərbaycanla sıx əlaqələndirmədə davam edir. Son dörd ildə əhəmiyyətli irəliləyişlər əldə edilib. Bizim fikrimizcə, Cənubi Qafqaz üçün əsas fürsət və məqsəd budur: sülhün təməlləri möhkəmləndikcə, qarşılıqlı əlaqəli layihələr daha da güclü nəticələr verəcək, qarşılıqlı əlaqəlilik möhkəmləndikcə sülhün sosial və iqtisadi təməlləri daha möhkəm şəkildə qurulacaq. Bütün regionun ortaq maraqlarına xidmət edəcək bu dövrü gücləndirmək üçün səylərimizi davam etdirmək əzmindəyik”, - XİN başçısı söyləyib