Azərbaycan Almaniyanı məğlub etdi və dünya çempionatının yarımfinalında ABŞ-a qarşı oynayacaq! - 21:54 yeniləndi

Azərbaycan millisinin yarımfinaldakı rəqibi 1/4 finalda Fransaya 18:16 hesabı ilə qalib gələn ABŞ millisi olub Azərbaycan - ABŞ oyunu iyunun 7-də keçiriləcək və Bakı vaxtı ilə saat 19:30-da başlayacaq Digər yarımfinalda isə Hollandiya və Avstraliya qarşılaşacaq Yarımfinalın qalibləri sabah finalda, məğlublar 3-cü yer uğrunda görüşdə oynayacaqlar Varşavada keçirilən dünya çempionatında 3x3 basketbol üzrə qadınlardan ibarət Azərbaycan yığması 1/4 final görüşünə çıxıb. Rəqib Almaniya yığması olub Dina Ulyanova, Alexandra Mollenhauer, Brianna Fraser və Arika Carterdən ibarət komandamız 18:16 hesabı ilə qalib gələrək yarımfinala yüksəlib! Demək olar ki, bütün matç boyu Azərbaycan basketbolçuları almanlardan geridə olsalar da, son dəqiqədə qələbə qazanıblar İlk dəfə dünya çempionatında mübarizə aparan Azərbaycan yarımfinalda Fransa - ABŞ matçının qalibi ilə qarşılaşacaq Xatırladaq ki, komandamız bundan əvvəl qrup mərhələsində Madaqaskar, Çexiya və Polşaya qalib gələrək Hollandiyaya uduzmuşdu. 1/8 finalda isə Litva məğlub oldu