Azərbaycan və AİB birgə iqlim layihələrini müzakirə ediblər

Azərbaycan Prezidentinin iqlim məsələləri üzrə nümayəndəsi Muxtar Babayev Asiya İnkişaf Bankının Kənd Təsərrüfatı, Ərzaq, Təbiət və Kənd İnkişaf Departamentinin baş direktoru Jiangfeng Zhang ilə görüşüb, Azərbaycan ilə AİB arasında əməkdaşlıq məsələlərini müzakirə edib "Report"un məlumatına görə, bu barədə M.Babayev X sosial şəbəkəsindəki hesabında yazıb “Artan iqlim və su çağırışlarına cavabımızın bir hissəsi olaraq biz su ehtiyatlarının inteqrasiya olunmuş idarə edilməsi, iqlimə davamlı kənd təsərrüfatı və regional əməkdaşlıq haqqında fikir mübadiləsi apardıq” dedi Muxtar Babayevin sözlərinə görə, müzakirələrdə həm AİB ilə əməkdaşlığın daha da dərinləşdirilməsi imkanları, həm də COP29-da qəbul edilmiş bəyannamə əsasında fəaliyyətə başlayan Regional buzlaqlardan təsərrüfatlara (G2F) proqramı çərçivəsində potensial layihələr müzakirə olunub “Biz həmçinin qlobal iqlim gündəliyinin irəlilədilməsi və onun yerlərdə həyata keçirilməsi üçün səylərin dəstəklənməsində çoxtərəfli inkişaf banklarının fəal iştirakının davamlı əhəmiyyətini vurğuladıq”, - deyə o əlavə edib