Azərbaycan və Qırğızıstan hərbi təhlükəsizlik rəsmiləri arasında görüş keçirilib (FOTO)

BAKI, Azərbaycan, 3 iyun. Azərbaycan və Qırğızıstan Müdafiə nazirlikləri arasında imzalanmış 2026-cı il üçün ikitərəfli əməkdaşlıq planına əsasən, Qırğızıstanın hərbi nümayəndə heyəti Azərbaycana səfər edib. Səfər çərçivəsində Azərbaycan Müdafiə Nazirliyinin Daxili Təhlükəsizlik və İstintaq Baş İdarəsinin rəisi general-mayor Azər İbrahimov qırğızıstanlı qonaqlarla görüşüb. Görüşdə Qırğızıstan nümayəndə heyətinə Baş İdarənin fəaliyyət istiqamətləri, daxili təhlükəsizliklə bağlı brifinqlə yanaşı, ətraflı məlumat verilib. Görüşdə iki ölkə arasında hərbi təhlükəsizlik sahəsində əməkdaşlığın hazırkı vəziyyəti və inkişaf perspektivləri müzakirə edilib, qarşılıqlı təcrübə mübadiləsinin vacibliyi vurğulanıb. Bundan əlavə, görüşdə bu sahədə aktual məsələlər müzakirə olunub, nümayəndə heyətini maraqlandıran suallar cavablandırılıb. Sonda tərəflər qarşılıqlı hədiyyələr verib, xatirə şəkli çəkdirilib