Afinanın yuxusunu itirən silah! Türkiyəni təriflədilər

Türkiyənin son illərdə müdafiə sənayesində əldə etdiyi irəliləyiş qonşu Yunanıstanda da yaxından izlənməkdə davam edir. Yunanıstan mərkəzli rəqəmsal xəbər və təhlil platforması Pentapostagma, ASELSAN tərəfindən hazırlanmış DRONDEF pilotsuz uçuş aparatlarından müdafiə sisteminin hərtərəfli təhlilini dərc etdi “Egeyi təhdid edən türk qübbəsi: Yunan pilotsuz uçan aparatlarını kor etməyi hədəfləyən 8 qatlı şəbəkə” başlığı ilə dərc edilən xəbərdə sistemin Egeydəki təhlükəsizlik balansları baxımından diqqətlə izlənilməsi lazım olan bir tutuma çatdığı bildirilib Xəbərdə Türkiyənin xüsusilə son illərdə pilotsuz uçuş aparatları və əks-dron texnologiyalarına investisiyalarını sürətləndirdiyi bildirilərkən, Yunanıstanın gecikmiş də olsa bu sahədə müxtəlif addımlar atmağa başladığı iddia edildi Pentapostagma, ASELSAN tərəfindən hazırlanan sistemlərin Türkiyə müdafiə sənayesinin əldə etdiyi texnoloji səviyyəni ortaya qoyduğunu vurğuladı Yunan mətbuatı xatırladıb ki, ASELSAN-ın iyunun 6-da keçirdiyi təqdimat tədbirində pilotsuz uçuş aparatlarına qarşı hazırlanmış inteqrasiya edilmiş Dron Müdafiə Sistemi (DRONDEF) nümayiş etdirilib Təhlildə qeyd edilib ki, sistem daxilində İHTAR, EJDERHA və GÖKBERK komponentləri mini və mikro sinif İHA təhlükələrinə qarşı koordinasiyalı şəkildə fəaliyyət göstərir. Bildirilib ki, təqdimat Türkiyənin ÇELİKKUBBE konsepsiyasının çatdığı səviyyəni ortaya qoyub Xəbərdə DRONDEF-in təxminən 10 kilometr məsafəyə qədər hədəfləri təsbit edə bildiyi və sistemin müxtəlif alt komponentləri ilə bağlı qiymətləndirmələrə də yer verildiyi ifadə edildi ASELSAN tərəfindən hazırlanan ÇELİKKUBBE komponentləri İHTAR, EJDERHA və GÖKBERK əvvəlki sınaqlarda üç fərqli ssenaridə təyin olunan hədəfləri müvəffəqiyyətlə zərərsizləşdirdi Türk müdafiə sənayesinin qabaqcıl şirkətlərindən biri olan ASELSAN, son zamanlar döyüş meydanlarında mühüm təhlükələr arasında olduğu nümayiş etdirilən mini və mikro İHA-lara qarşı fərqli texnologiyalar əsasında çoxsaylı əks-tədbir sistemi hazırlayıb Sözügedən sistemlər ASELSAN-ın Gölbaşı Test Mərkəzində keçirilən və 19 fərqli ölkədən beynəlxalq nümayəndə heyətlərinin, yerli və xarici mətbuat mənsublarının iştirak etdiyi təqdimat fəaliyyətində öz vəzifələrini uğurla yerinə yetirib