Şəxsi hesabda xeyriyyə məqsədilə pul yığılmasının qadağan edilməsi təklif edilir

Qırğızıstanda ehtiyacı olan vətəndaşın şəxsi hesabına və ya kartına xeyriyyə məqsədilə pul yığılmasının qadağan edilməsi və dələduzluqda məsuliyyətin gücləndirilməsini nəzərdə tutan qanun layihəsi ictimai müzakirəyə çıxarılıb Sənədə əsasən, xeyriyyə məqsədli vəsaitin toplanması üçün kommersiya bankında xüsusi təyinatlı hesabın açılması məcburidir. Yığılan vəsaiti xeyriyyəçilikdən başqa şəxsi məqsədlər üçün istifadə etmək qadağandır Bundan əlavə, pul yığan təşkilat və vətəndaşlardan dövlət xeyriyyə portalı yaratmaq, orada qeydiyyatdan keçmək və maliyyə hesabatlarını ictimaiyyətə təqdim etmək tələb olunacaq Sənəddə ianələrdən istifadə qaydalarına dəyişikliklər də nəzərdən keçirilir. Pul yığılan məqsəd üçün istifadə edilmədikdə - xəstə vəfat edərsə və ya müalicədən imtina edərsə, yerdə qalan vəsaiti başqa xeyriyyə məqsədi ilə istifadə etmək tövsiyə olunur Xeyriyyə fondları üçün inzibati xərclərin 15%-ə qədər artırılması təklif edilir, qanun müəllifləri bildirirlər ki, bu vasitə müvafiq mütəxəssisləri cəlb etməyə və rəhbərliyi beynəlxalq təcrübəyə yaxınlaşdırmağa kömək edəcək (hazırda bu, 2%-dir) Həmçinin qanun layihəsində xeyriyyəçilik adı altında dələduzluğa görə cinayət məsuliyyətinin artırılması, Cinayət Məcəlləsinə dəyişiklik edilməsi təklif edilir Qanun layihəsinin əsaslandırmasında bildirilir ki, təşəbbüs vətəndaşları internetdə ianə adı altında gizlənən dələduzluqlardan qorumaq, insanların xeyriyyə təşkilatlarına inamını gücləndirmək məqsədi daşıyır Qırğızıstanda ciddi xəstəliklərdən əziyyət çəkən və bahalı tibbi əməliyyatlara ehtiyacı olan vətəndaşların ictimaiyyətə üz tutaraq kömək istəməsi halları az deyil. İstəyənlər istədikləri pulu şəxsi hesablarına və ya yaxınlarının hesabına köçürə bilərlər. Bloqçuların xeyriyyə işlərinə qarışması, vasitəçilik etməsi, pul yığması halları da var. (ZKo)