AI İsrailin İordan çayının qərb sahilindəki siyasətini pisləyib

Beynəlxalq Amnistiya Təşkilatı İsraili fələstinliləri işğal altındakı İordan çayının qərb sahilindən çıxarmaq və ilhaq etməkdə ittiham edib Təşkilatın iyunun 11-də dərc etdiyi 149 səhifəlik hesabatda fələstinlilərin məcburi köçkünlüyünün dövlət siyasətinin tərkib hissəsi olduğu qeyd edilib Məlumata görə, yəhudilər yeni qəsəbələr saldıqları üçün bir çox fələstinli öz torpaqlarından köçməyə məcbur edilir. Amnesty İnternational hesab edir ki, İsrail hökumətinin dəstəyi olmadan bu cür hərəkətlər mümkün olmazdı Beynəlxalq ictimaiyyətin əksəriyyəti İordan çayının qərb sahilində yəhudi məskənlərini qanunsuz hesab edir. İsrail isə bu ərazini mübahisəli kimi səciyyələndirir və onun yekun statusunun danışıqlar yolu ilə müəyyən edilməsi mövqeyindən çıxış edir Birləşmiş Millətlər Təşkilatının məlumatına görə, 2023-cü ilin yanvarından 2026-cı ilin aprelinə qədər İordan çayının qərb sahilində 100-dən çox kənd tamamilə və ya qismən boş idi. Eyni müddət ərzində İsrail qüvvələrinin evləri və digər tikililəri dağıtması nəticəsində ən azı 7280 fələstinli didərgin düşüb İsrail bundan əvvəl “etnik təmizləmə” ittihamlarını və digər bu kimi ittihamları rədd edib. Ölkə hakimiyyəti bu cür iddiaları özünə qarşı uzun müddətdir mövcud olan birtərəfli münasibətin təzahürü kimi qiymətləndirir. Hesabatın dərc edildiyi vaxt İsrail hökuməti hələ rəsmi cavab verməmişdi Hazırda İordan çayının qərb sahilində və Şərqi Qüdsdə 700 mindən çox israilli yaşayır. Bu ərazilər 1967-ci ildə Yaxın Şərq müharibəsi zamanı İsrail tərəfindən ələ keçirilib. Fələstinlilər onları gələcək dövlətlərinin bir hissəsi hesab edirlər Ötən il ABŞ prezidenti Donald Tramp İsrailin İordan çayının qərb sahilini ilhaqına icazə verməyəcəyini açıqlamışdı