Zelenskiy bilan shaxsiy muzokaralar tinch yechimga olib kelmaydi - Putin

Rossiya prezidenti Vladimir Putin Ukraina prezidenti Vladimir Zelenskiy bilan shaxsiy muzokara o‘tkazish hozirgi vaziyatda mantiqqa to‘g‘ri kelmasligini aytdi Bi-bi-si xabariga ko‘ra, bu bayonot Zelenskiyning o‘t ochishni to‘xtatish va to‘g‘ridan-to‘g‘ri muzokaralar o‘tkazish haqidagi ochiq murojaatidan so‘ng qilingan. Ukraina rahbari urushni cho‘zish o‘rniga, muzokaralar yo‘li bilan hal qilish zarurligini ta’kidladi Biroq Putin bu taklifni qo‘pollik deb baholadi va tinchlik muzokaralari o‘t ochishni to‘xtatishdan oldin emas, balki kelishuvlar tayyor bo‘lgandan keyingina mumkin bo‘lishini aytdi "Men haligacha buning ma'nosini tushunmayapman", dedi u Sankt-Peterburgdagi xalqaro iqtisodiy forumdagi nutqida Uning so‘zlariga ko‘ra, Ukraina bilan uzoq muddatli kelishuvlar zarur, qisqa muddatli sulh esa faqat qayta guruhlashishga imkon beradi Putinning taʼkidlashicha, Rossiyaning harbiy harakatlari faqat “oldinga qoʻyilgan maqsadlarga erishilganda” toʻxtaydi. Shu bilan birga, Moskva Ukrainadan ma'lum hududlardan voz kechishni va NATOga kirish rejalaridan voz kechishni talab qilmoqda Boshqa tomondan, Ukraina tomoni har qanday hududiy imtiyozlar yangi tahdidlarga yo‘l ochishiga ishonadi va bunday talablarni rad etishini bildirgan Zelenskiy, o‘z navbatida, Putinning pozitsiyasini tanqid qilib, Rossiya urushni davom ettirishni tanlaganini aytdi Shu bilan birga, AQSh prezidenti Donald Tramp ikki davlat rahbarlarining uchrashuvini “ijobiy qadam” deb baholadi