Zelenskiy urushni tugatish uchun Putin bilan to‘g‘ridan-to‘g‘ri muzokaralar olib borishga tayyorligini ma’lum qildi

Ukraina prezidenti Vladimir Zelenskiy urushni tugatish bo‘yicha Rossiya prezidenti Vladimir Putin bilan to‘g‘ridan-to‘g‘ri muzokaralar o‘tkazishga tayyorligini aytdi, deb yozadi “Ukrainska pravda” Bu haqda u NATO bosh kotibi Mark Ryutte bilan bo‘lib o‘tgan matbuot anjumanida ma’lum qildi Zelenskiyning soʻzlariga koʻra, Ukraina muzokaralar jarayoni boʻyicha Amerika tomoni bilan aloqani davom ettirmoqda, biroq muzokarachilar guruhining kelishini kutish kechikmoqda "Afsuski, AQSh uchun Ukraina hozir diqqat markazida emas - ular uchun Eron birinchi raqamli masala. Afsuski, biz bu urushlar qatorida turibmiz", - dedi u Ukraina rahbari Qo‘shma Shtatlarni Moskvani urushni tugatishga undashga qodir asosiy o‘yinchi deb bilishini hamda AQSh va Yevropa davlatlari ishtirokidagi muzokaralarni eng samarali format sifatida ko‘rishini ta’kidladi “Biz har qanday formatni qo‘llab-quvvatlaymiz va men hamma dunyodagi barcha mojarolarni tugatmaguncha, keyin esa bizga kelmaguncha navbat kutmasdan, bu urushni tugatish uchun Putin bilan to‘g‘ridan-to‘g‘ri muzokaralarga tayyorman”, — dedi Zelenskiy Shuningdek, u Ukraina harbiylarining harakatlari tufayli mamlakat frontda mustahkam mavqeni saqlab qolganini va “dislokatsiya bo‘yicha juda jiddiy yutuqlarga” erishganini qo‘shimcha qildi Avvalroq Kreml rasmiysi Dmitriy Peskov, agar Ukraina rahbariyati o‘z harbiylariga Moskva Rossiya deb hisoblagan hududlarni tark etish haqida buyruq bersa, mojaro “kun oxirigacha” yakunlanishi mumkinligini aytgan edi "Biz uchun ma'qul variant - bu maqsadlarimizga tinch yo'l bilan erishish. Agar Kiyev muzokaralarni rad etishda davom etsa, maxsus harbiy operatsiya davom etadi", - deya ta'kidladi Kreml vakili Peskovning so‘zlariga ko‘ra, Rossiya Ukraina tomoni bilan tinchlik muzokaralari uchun ochiqligicha qolmoqda, biroq hozir bu jarayon to‘xtab qolgan. Shu bilan birga, Moskva AQSh bilan mavjud aloqa kanallari orqali aloqalarni davom ettirmoqda