Zelenskiy Lukashenkoning o‘g‘illariga qarshi sanksiyalar kiritdi

Ukraina prezidenti Vladimir Zelenskiy Belarus prezidenti Aleksandr Lukashenkoning ikki o‘g‘li – Viktor va Dmitriy Lukashenkoga qarshi 10 yil muddatga sanksiyalar joriy qildi. Tegishli farmon davlat rahbari saytida e’lon qilindi Sanksiyalar ro‘yxatidan Belarus Qurolli kuchlari Bosh shtabi boshlig‘i Pavel Muraveyko ham bor. Umuman olganda, cheklovlar mamlakatning 16 fuqarosiga taalluqli Jismoniy shaxslarga nisbatan standart choralar qo'llanildi, jumladan, aktivlarni muzlatish, savdo operatsiyalarini to'xtatish, iqtisodiy va moliyaviy majburiyatlarni to'xtatish, rasmiy tashriflarni bekor qilish va Ukraina davlat mukofotlaridan mahrum qilish Bundan tashqari, 11 ta yuridik shaxsga nisbatan jazo choralari qo‘llanilgan. Minsk termoplast zavodi, 407-sonli Minsk fuqaro aviatsiyasi zavodi, Vitebsk elektr asboblari zavodi va Borisov plastmassa buyumlari zavodi shular jumlasidandir. Kompaniyalar uchun cheklovlar ham 10 yilga mo'ljallangan va shunga o'xshash chora-tadbirlar ro'yxatini o'z ichiga oladi