Zelenskiy Vladimir Putinga G7 sammitida uchrashishni taklif qildi

Ukraina prezidenti Vladimir Zelenskiy Fransiyada bo‘lib o‘tayotgan G7 (Katta yettilik) sammiti doirasida Rossiya yetakchisi Vladimir Putin bilan shaxsiy uchrashuv o‘tkazishni taklif qilganini ma’lum qildi 15-17 iyun kunlari Evian shahrida boʻlib oʻtadigan sammit haqida gapirar ekan, Zelenskiy bunday uchrashuv uchun qulay sharoitlar yaratilganini aytdi "Biz Putinga G7 sammiti vaqtida uchrashishga tayyor ekanligimiz haqida xabar yubordik. Chunki u yerda Donald Tramp va Emmanuel Makron bo‘ladi. Boshqacha aytganda, Yevropa va AQSh vakillari ishtirok etadi. O‘ylaymanki, bu barchamiz uchun birgalikda uchrashishimiz uchun juda yaxshi imkoniyat", - dedi Zelenskiy “RBK-Ukraina” nashri manbasiga ko‘ra, taklif vositachilar, diplomatik va razvedka kanallari orqali yetkazilgan. Ammo hozircha Rossiya tomonidan javob yo‘q Avvalroq, 4 iyun kuni e’lon qilingan ochiq xatida Zelenskiy Vladimir Putinni shaxsiy uchrashuvga taklif qilgan edi. Ertasi kuni Putin bunday uchrashuvni o‘rinli deb bilmasligini aytdi Sammit davomida Zelenskiy AQSh prezidenti bilan alohida uchrashishi kutilmoqda AFP va Politico nashrlarining yozishicha, Yevropa yetakchilari Trampni Rossiyaga bosimni kuchaytirishga va Ukraina uchun dronlarni ishlab chiqarish bo‘yicha qo‘shma loyihalarni qo‘llab-quvvatlashga ko‘ndirishga harakat qiladi