Zelenskiy: "Ukraina dronlari Rossiyadagi neft inshooti va Azot zavodiga zarba berdi"

Ukraina Xavfsizlik xizmati (SBU) uchuvchisiz uchoqlari Rossiyaning Yaroslavl viloyatida joylashgan neft inshootiga hujum qildi Bu haqda Ukraina prezidenti Vladimir Zelenskiy ijtimoiy tarmoq orqali ma’lum qildi Zelenskiyning so‘zlariga ko‘ra, nishon Ukraina chegarasidan 700 kilometr uzoqlikda joylashgan va Rossiya uchun katta ahamiyatga ega edi Prezidentning aytishicha, Ukraina mudofaa kuchlari Rossiyaning Tula viloyatida joylashgan “Azot” korxonasiga ham zarba bergan. Uning so‘zlariga ko‘ra, ushbu korxona faoliyati portlovchi moddalar ishlab chiqarish imkoniyatlari bilan bevosita bog‘liq Zelenskiyning qo‘shimcha qilishicha, hujumlar fonida Rossiyaning oltita aeroportida parvozlarga cheklovlar kiritilgan. Uning qayd etishicha, o‘tgan oqshomdan boshlab Rossiyaning 28 ta hududida ob-havo xavfi e’lon qilingan "Ukrainaning vaqtincha bosib olingan hududlaridagi bosqinchilarning harbiy logistikasiga ham zarba berildi. Ukraina Rossiyaga qarshi uzoq masofali sanksiyalar rejasini amalga oshirmoqda va Rossiyaning bu urushni toʻxtatishdan bosh tortganiga javoban oʻrta masofadagi maʼlum zarba missiyalarini amalga oshirmoqda", deb taʼkidladi Zelenskiy Ukraina prezidentining aytishicha, Kiyev Rossiya rahbariyatiga muzokaralar uchun barcha mumkin bo‘lgan formatlarni taklif qilgan. Uning so‘zlariga ko‘ra, Moskvaning javobi faqat tajovuzni davom ettirish va kengaytirishga urinishlar bo‘ldi “Urush qayerdan kelgan boʻlsa, oʻsha yerga qaytishi mantiqan toʻgʻri”, — deya qoʻshimcha qildi Zelenskiy