O‘zbekiston davlat konservatoriyasida ozarbayjon musiqasi yangradi

Toshkentdagi O‘zbekiston davlat konservatoriyasida Ozarbayjon musiqasining boy merosiga bag‘ishlangan konsert dasturi namoyish etildi Konsertda Ozarbayjonning O‘zbekistondagi elchixonasi vakillari, O‘zbekistondagi Haydar Aliyev nomidagi Ozarbayjon madaniyat markazi rahbariyati, oliy o‘quv yurtlari rektorlari, taniqli musiqashunos olimlar, professor-o‘qituvchilar, san’atkorlar va ko‘plab musiqa ixlosmandlari ishtirok etdi Dasturda O‘zbekiston Davlat simfonik orkestri jo‘rligida Ozarbayjonda xizmat ko‘rsatgan artist, Xalqaro mug‘om markazi direktori, O‘zbekiston Madaniyat elchisi Sohib Poshozoda va xalq artisti, taniqli pianinochi Yegane Oxundovalar chiqish qildi O‘zbekiston xalq artisti Kamoliddin O‘rinboyev badiiy rahbarligi va bosh dirijyorligidagi konsertda ozarbayjon kompozitorlarining tanlangan asarlari ijro etildi Konsert dasturi O‘zbekiston davlat konservatoriyasining ta’mirlangan konsert zalining ochilishi munosabati bilan tashkil etilgan ilk yirik musiqiy tadbirlardan biri sifatida ham alohida ahamiyat kasb etdi. Ozarbayjon san’atkorlari atoqli bastakorlarimiz Fikret Amirov va Hoji Xonmammadovning o‘lmas asarlarini yuksak professional mahorat bilan namoyish etdi Fikret Amirovning “Ming kecha” baletidagi syuitasi, F.Amirov va E.Nazirovaning “Fortepiano va orkestr uchun arab mavzularida kontserti”, shuningdek, Hoji Xonmammadovning “Stor va orkestr uchun 2-sonli konserti” ozarbayjon musiqasining ajoyib go‘zalligi va yuksak badiiy-estetik qiymatini yana bir bor namoyon etdi Konsert yakunida Xalqaro mug‘om markazi direktori Sohib Poshozoda O‘zbekiston davlat konservatoriyasi rektori Kamoliddin O‘rinboyevga esdalik sovg‘alarini topshirdi O‘zbekistonga tashrif buyurgan ozarbayjonlik san’atkorlar konsert dasturidan tashqari O‘zbekiston davlat konservatoriyasi Davlat imtihon komissiyasiga ham raislik qildi Eslatib oʻtamiz, oʻtgan yilning dekabr oyida Ozarbayjonda oʻtkazilgan Oʻzbekiston madaniyati kunlari doirasida Muslim Magomayev nomidagi Ozarbayjon davlat akademik filarmoniyasida Yegane Oxundova va Sohib Poshozoda Oʻzbekiston davlat simfonik orkestri bilan birgalikda konsert dasturini namoyish etgan edi